اختبار درجة حرارة الخرسانة


٥ يوليو ٢٠٢٠


Holcim-06.jpg
اختبار درجة حرارة الخرسانة و ازاي محطات الخرسانه بتقلل من درجة حرارة الخرسانه

_ قبل ما تسمح لعربية الخرسانه بالصب لازم تعملها اختبار درجة حرارة الخرسانه (concrete temperature test )

* فكرة الاختبار :

معرفة درجة حرارة الخرسانه من خلال استخدام ترمومتر و معرفة اذا كانت درجة الحراره في الحدود المسموح بها ام لا

-أقصي درجة حرارة خرسانه مسموح بيها للصب ٣٥ درجة مئويه.

-يتم رفض عربية الخرسانة و لا يسمح لها بالصب نهائيآ

-لماذا يمنع الصب لو درجة حرارة الخرسانه اعلي من ٣٥ درجه مئويه ؟ او ما اضرار زيادة درجة حرارة الخرسانه عن ٣٥ درجه مئويه ؟

- ارتفاع درجة حرارة الخرسانه يؤدي لتبخر مياه الخلطه الخرسانيه و ده بيؤدي لحدوث شروخ انكماش علي سطح الخرسانه

- ارتفاع درجة حرارة الخرسانة اثناء الصب يؤدي لزيادة سرعة التفاعل بين مكونات الخرسانه و بالتالي الخرسانه مبتاخدش كفايتها لتصل للقوه و الصلابه و ده بيقلل من المقاومة النهائيه للخرسانة ( يعني مقاومة الخرسانه المبكره بتكون قويه و لكن المقاومه النهائيه بتكون ضعيفه ) و بتزيد الفراغات داخل الخرسانه و بيحصل شروخ خطيره داخل الخرسانه تهدد سلامة المنشأ و تقلل من العمر الافتراضي للمنشأ.

- ما اسباب زيادة درجة حرارة الخرسانه و ازاي نمنع زيادة درجة حرارة الخرسانه ؟

من اسباب زيادة درجة حرارة الخرسانه :

-الحراره الناتجه عن تفاعل الاسمنت مع المياه ( حرارة الاماهه )

-ارتفاع درجة حرارة الجو ( مثل فصل الصيف )

-ارتفاع درجة حرارة الركام ( الرمل و السن )

-لو المسافه بين محطة الخرسانه و الموقع كبيره و خصوصا لو درجة حرارة الجو مرتفعه

-إرتفاع درجة حرارة المياه المستخدمة في الخلطه الخرسانيه

-ازاي محطات الخرسانه بتخفض درجة حرارة الخرسانه ؟

١_ يتم تشوين الركام "( السن والرمل ) تحت مظلات ( shades ) و يتم رشهم بالماء لتبريدهم و يفضل ان يكون الماء بارد

٢_ يتم تبريد مياه الخلط ( و استخدام مياه بارده في الخلطه الخرسانيه ) و ده بيتم عن طريق استخدام مبردات مياه (chiller )

٣_ في بعض المحطات يتم اضافة ثلج للخرسانه
ملحوظه : كل 25 كجم من الثلج يؤدى الى خفض درجة الحرارة ب 7.8 درجات مئوية من حرارة الخرسانة الطرية

٤_ يفضل ان تكون المحطه قريبه من موقع الصب و ان يتم الصب ليلا او في الصباح الباكر

٥_ يتم دهان عربيات الخرسانه و المضخات ( pump ) بلون ابيض لتعكس أشعة الشمس و متسخنش من الشمس

٦_ تجنب الصب في درجات الحراره العاليه ( مثل الصب ظهرا في فصل الصيف )

٧_ خزانات المياه بالمحطه تكون من اللون الابيض لعكس اشعة الشمس و يتم تغطيتها بمظلات

* ملحوظه هامه :
انخفاض درجة حرارة الركام له التأثير الأكبر مقارنة مع الأسمنت والماء لأن كميه الركام تمثل حوالى 70 :85 % من وزن اجمالى الخرسانة .

ممكن تطلب خرسانتك الجاهزة دلوقتي من عندنا باحسن الاسعار و بأي كمية

اطلب عروض أسعار خرسانة جاهزة