خطوات التشطيب الداخلي


١٩ مارس ٢٠٢٤


image.jfif
التشطيبات:

في بعض الأحيان ممكن نكون مضطرين نتابع أعمال التشطيبات الداخلية لشقتنا بنفسنا ودا هايكلفنا عناء التعامل مع الصنايعية وللأسف كتير من الصنايعية ماعندهمش المهارة أو الضمير الكافي اللي يساعد كل واحد فينا يستلم شقته بالشكل والجودة اللي في خياله وعلشان كده احنا في سلسلة من المقالات هانقدم نصايح التشطيبات لكل واحد هايخوض التجربة دي بنفسه . نبدأها دلوقتي بأول واهم نصيحة انك تكون عارف وفاهم كويس ايه هو الترتيب الطبيعي للتشطيبات لأن الترتيب الصحيح لوحده مسئول عن جزء كبير من جودة ووقت وتكلفة الشغل .
خطوات التشطيب الداخلي
1- الأفضل قدر المستطاع انك تستلم شقتك علي الطوب بعد خصم تكاليف المحارة لأن دا هايوفر عليك في تكاليف اي تعديلات مقترحة في المساحات والشكل المعماري وأماكن علب الكهربا اللي تناسبك .
2- مراجعة التقسيمات الداخليه و التعديلات المعمارية بناء علي ذوقك الخاص قبل بداية الشغل علشان تتأكد انك فاهم وموافق علي المساحات الموجودة
3- أعمال التكسير لتمديدات السباكه و الصحي والكهربا وطبعا ناخد بالنا من أعمال التكييف المرتبطة بيهم .
4- نجارة الحلوق وتفضل بعد عمل بوءج وأوتار للمحارة ودي هانجيلها بالتفصيل واحنا بنتكلم علي المحارة.
5- اعمال المحاره ودي طبعا اللي هاتحددلك بشكل كبير مستوي التشطيبات بتاعتك واهمها الدهانات .
6- أعمال المصيص والكرانيش أو الأسقف المعلقة .
7- الإعداد للدهانات و التبطين .
8- تركيبات الأرضيات و تشطيب السباكه
9- ضبط الأبواب و الشبابيك وتركيب الألوميتال .
10- تقفيل علب الكهرباء .
11- تشطيب الدهانات و الديكور .
12- التشطيب النهائي للكهرباء و تركيب وحدات الإناره

دلوقتي تقدر تطلب كل اللي انت محتاجه من مكان واحد و متشيلش هم ،احنا هنوصلهولك 😉

اطلب عرض سعر لمواد التشطيبات